اعرف شخصيتك من خلال ضحكتك موضوع مشوق

من طرف برابيس السبت يونيو 21, 2008 12:58 am

اعرف شخصيتك من كتابتك للضحكة في المنتدى ((او شخصية غيرك))

انت او انتي من اي نوع؟?

>هههههههههههه :
صاحب الضحكه هاذي .. وسيع صدر .. مرح .. طيب .. بس مجامل بشكل كبير .. مسالم
وعلى نياته .. دايم مبسوط وبارد .. اشين شيء انه يضحك احيانا في مواقف غلط !! .
يعني مواقف حزينه يجيك يضحك يصير ودك انك تصكه باللي معك ... غبي .. بس مملوح.

ههههههههههههاي اهم شيء الياء:
انسان شايف نفسه متكبر .. ضحكه قليل .. متسلط ويحس بالنقص .. ثقيل دم .. احسن
طريقه للتعامل معه.. هو والشكم والطخر وعدم رفعه من ارضه .

هاهاهاهاهاهاها بنفس الترتيب:
انسان مرتب .. يعني اذا دخلت غرفته ما تلقى فيها عود طايح .. كل شيء منظم ومرتب
حتى الضحكه .. مثقف ويلبس نظارات اكبر من وجهه .. ما يضحك كثير بس يبتسم واجد .
شكله كذا يخليك ترتاح له وتشكي له .. عاده تلقى عنده الحل .. لو مالقيت الحل
اهم شيء ترتاح ..

نياهاهاها :
انسان شرررير .. يمووووت في النذاله والشر .. قمه الوناسه عنده انه يرج ببسي
ويعطي احد يفكه له .. عيونه يطلع منها شرر .. مركب ضروس ذهب عشان اذا ضحك تلمع
واحسن طريقه للتعامل مع هالنوعيه هو العمل بالمثل "ابعد عن الشر وغني له" ..
لكن مهما حاولت تبتعد عنه هو بيجيك لكن انتبه تعطيه فرصه به ..

هههاااهاهااهاهههااههه باللخبطه هذه:
انسان مضيع بمعنى الكلمه .. يعني لو تساله عن اسمه قال ممكن الاتصال بصديق عشان
الموضه يعني .. اذا مضطر تدخل غرفته .. افتح الباب من بعيد عشان لا قدر الله
وطاح شيء ولاش ... العلك ما يطيح من فمه ويقعد يمعط فيه بعد يعني يمسك طرف
العلكه بسنه والطرف الثاني بيده وهات يا تمعيط ويلوي فيه ويسوي حركات بهلوانيه
انسان لو تصفق فيه وتهزئه ما درا عنك يحسبك تتكلم عن ولد الجيران .. الدنيا ما
قامت ولا قعدت عنده .. الشيء الوحيد اللي يستفزة انك تتكلم على امه او ابوه.

هه هه هه هه :
انسان متردد .. يفكر 60 مرره قبل لا يسوي شيء .. رومانسي .. يراعي مشاعر
الاخرين .. خدوم يحب يساعد حتى لو ما يقدر يدبرها .. ان صادفك احد من هالنوع
تمسك فيه بيدينك ورجولك لان النوعيه هذي نادره...ومهدده بالانقراض.

كعكعكعكعكعكعكع :
انسان "دب" "فيل" يتراوح وزنه ما بين 100 -150 كيلو استمد ضحكته من كثر الاكل .
كريم جدا لحد الاسراف خصوصا اذا كانت السالفه فيها اكل .. ما يطلع من البيت

كااااااااااااااااااااااااااااا اااك:
انسان مرتب نوعا ما... متوسط البنيه..يحب الاكل في المطاعم...مع انه لا يحب تغيير مطعمه المفضل...هادئ بسيط لا يضحك

من طرف Dodi الجمعة يونيو 27, 2008 4:26 am

>هههههههههههه :
صاحب الضحكه هاذي .. وسيع صدر .. مرح .. طيب .. بس مجامل بشكل كبير .. مسالم
وعلى نياته .. دايم مبسوط وبارد .. اشين شيء انه يضحك احيانا في مواقف غلط !! .
يعني مواقف حزينه يجيك يضحك يصير ودك انك تصكه باللي معك ... غبي .. بس مملوح.

<<<<<انـــــا

يسلموووو براابيسوووو على قولة امي تسميك براابيسو ..

من طرف برابيس الأحد يونيو 29, 2008 5:05 am

تسلموا انتي وامك

اعرف شخصيتك من خلال ضحكتك موضوع مشوق

اعرف شخصيتك من خلال ضحكتك موضوع مشوق

رد: اعرف شخصيتك من خلال ضحكتك موضوع مشوق

رد: اعرف شخصيتك من خلال ضحكتك موضوع مشوق